ԻՆՉՊԵՍ ԸՆՏՐԵԼ ՀԱՎԱՍՏԱԳՐՎԱԾ ՇԱՐԺԻՉԻ ՅՈՒՂԸ

Փաստեր/ 20.02.2019 / STANDARD OIL/ 1000

Յուրաքանչյուր վարորդի կամ ոլորտի հետ առնչություն ունեցողի համար կարևոր է իմանալ, թե ինչ թույլատրագրեր ունի այն յուղը, որն օգտագործում կամ պատրաստվում ենք օգտագործել: Դա առաջին և կարևոր հավաստումն է յուղի որակի և դասի: Մեր ընկերությունը ևս առաջնորդվում է դրանով և կարևորում, որ մեր սպառողը լինի իրազեկված և կարողանա տարբերել իրականը՝ կեղծից: Այս հոդվածում կանդրադառնանք API (American Petroleum Institute)-ի որակի հաստատման և դասակարգման համակարգին:
API- Շարժիչային յուղերի դասակարգման այս համակարգը ստեղծվել է 1969 թվականին Վառելիքի Ամերիկյան Ինստիտւտի կողմից (American Petroleum Institute):
API- ը շարժիչային յուղերը բաժանում է 2 մասի՝ բենզինային ու դիզելային շարժիչների համար: Վերջիններս հաստատում են յուրաքանչյուր դասի ավտոյուղերի որոշակի հատկություններն ու որակները:
Շարժիչային յուղի API համակարգով դասը նշվում է պիտակի վրա, օրինակ այսպես՝ API SJ կամ API SJ/CF-4:
Շարժիչային յուղի պիտակի վրա API որևէ դասակարգչի բացակայությունը նշանակում է, որ այդ ավտոյուղը չունի API հավաստագիր, ինչը և կարող է որակային հատկանիշների հետ կապված կասկածներ առաջացնել:
API դասակարգչի ծածկագրման առաջին տառը ցույց է տալիս յուղի տեսակը՝
«S» - բենզինային շարժիչների ավտոյուղեր,
«C» - դիզելային շարժիչների ավտոյուղեր
Հաջորդող երկրորդ տառը նշում է շարժիչի յուղի կատարողականության մակարդակը (А, В, С, D, E, F, G, Н) , ըստ այբբենական հաջորդականության:
Եթե շարժիչային յուղը շարժիչների երկու տեսակներում էլ կարելի է օգտագործել, ապա այդպիսի յուղին վերագրվում է երկու դաս՝ դիզելային ու բենզինային շարժիչների համար: Յուղի պիտակի վրա այդ դասերը առանձնացվում են կոտորակով, օրինակ API SJ/CF-4: Ընդ որում, առաջինը նշվում է յուղի այն դասը, որը առավել նախընտրելի է կիրառմանը (ըստ արտադրողի): Ժամանակակից տեխնոլոգիական զարգացումները նաև այս ոլորտում ունեն իրենց անդրադարձը: Տարեց տարի ավտոարտադրողները շարժիչային յուղերին նոր պահանջներ, հատկանիշներ են առաջադրում: Ինչը և հանգեցնում է անընդմեջ դասերի կատարելագործմանը և լրացմանը:
Հ.Գ. Հաջորդիվ Ձեզ կներկայացնենք մյուս որակի հաստատման համաշխարհային համակարգերը: